Nacionalistët që bartnin simbole pro-ruse i bashkohen protestës së kishës kundër ngjarjes së LGBT në Beograd

Mijëra kundërshtarë fetarë dhe të krahut të djathtë të planeve për të mbajtur festën më të madhe të krenarisë LGBT në Evropë në Beograd, marshuan nëpër kryeqytetin serb të dielën mbrëma.

Sipas Euronews, përcjell Telegrafi, presidenti i vendit ballkanik Aleksandar Vuçiq tha në fundjavë se ngjarja e planifikuar e shtatorit do të “anulohet ose shtyhet”, megjithëse organizatorët janë zotuar se ajo do të vazhdojë.

Protesta e së dielës u drejtua nga klerikët e Kishës Ortodokse Serbe dhe dega serbe e “Ujqërve të natës”, një grup motorik rus që mbështet me vendosmëri Vladimir Putinin.

Ndonëse u mbajt gjatë një kortezhi për të shënuar një festë fetare, demonstrata u paralajmërua si një protestë kundër manifestimit të Krenarisë për të “shpëtuar Serbinë”.

Dhe marshuesit pretenduan se po mbronin vlerat tradicionale të familjes.

Ultranationalists & clericalists brandishing pro-Russian symbols & portraits of Putin march through Serbia's capital. Nominally, in opposition to a planned Pride parade which the govt already banned but, as usual, this is a broader show of force by Serbia's influential far-right. pic.twitter.com/GZLuE3BAKg

— Jasmin Mujanović (@JasminMuj) August 28, 2022

“Shpëtoni fëmijët dhe familjen tonë”, shkruhej në një nga pankartat, ndërsa disa protestues mbanin kryqe.

Duke folur para turmës, peshkopi Nikanor i Kishës Ortodokse Serbe përshëndeti vendimin për të anuluar atë që ai e quajti “një përdhosje e vendit tonë, kishës dhe familjes sonë”.

Por të tjerë brohoritën parulla në mbështetje të kauzave të ekstremit të djathtë ose nacionalist.

Disa madje valëvitën flamuj rusë, një shenjë mbështetjeje për Moskën, aleatin tradicional të Serbisë.

EuroPride është ngjarja më e madhe LGBTQ+ që paraqet një paradë të Krenarisë në kontinent, e organizuar nga një qytet tjetër evropian çdo vit.

Beogradi parashikohet të presë marshimin e EuroPride në 17 shtator, si pjesë e një festimi njëjavor. /Telegrafi/