Muzeu i Missourit hap kapsulën 100-vjeçare

Muzeu Kombëtar i Luftës së Parë Botërore dhe Memoriali në Kansas City, Missouri, hapi një kapsulë 100-vjeçare të vjetër që përmbante gjësende të ndryshme duke përfshirë gazeta dhe një letër nga presidenti amerikan, Calvin Coolidge.

Kapsula e kohës u varros brenda Kullës Memoriale të Lirisë në vitin 1924, me udhëzime për tu hapur pas 100 viteve. Kapsula përkujtonte përkushtimin e memorialit.

Muzeu nxori kapsulën gjatë verës përmes një procesi mjaft të komplikuar, shkruan upi.com.

Zyrtarët thanë se nxjerrja ishte e vështirë për shkak të pranisë së filmit nitrat në enë, i cili dihet se është shumë i ndezshëm.

Në kapsulë gjendej një kopje e Kushtetutës së SHBA-së, gazeta, një Bibël dhe një kopje e shpalljes së luftës nga SHBA në prill të vitit 1917.

Kapsula gjithashtu përmbante letra, duke përfshirë edhe një të presidentit, Calvin Coolidge dhe disa nga komandantët e Aleatëve që morën pjesë në ceremoninë e fillimit të ndërtimit të Memorialit të Lirisë në vitin 1921.

Kapsula e kohës gjithashtu mbante një pllakë shtypi të datës 1 nëntor të vitit 1921 nga Kansas City Star.

Kutia prej bakri kishte disa firma të gdhendura nga persona që zyrtarët nuk mundën t’i identifikonin, por besohet se janë anëtarë të ekipit që përgatitën kapsulën e kohës. /Telegrafi/