‘Mund të më burgosin ose të më vrasin për këto fjalë’, ish-kapiteni i Rusisë me kritika ndaj vendit të tij për sulmet në Ukrainë

Ish-kapiteni i Rusisë, Igor Denisov, e ka kritikuar sulmin e vendit të tij ndaj Ukrainës, ndërkohë që ka pranuar se deklarata e tij mund t’ia rrezikojë jetën.

38-vjeçari e ka quajtur një katastrofë agresionin në komentet nga të cilat rrezikon burgim deri në 15 vjet sipas legjislacionit të sapo miratuar që i ndalon qytetarët ta denoncojnë konfliktin.

Denisov, i cili ishte i hapur gjatë gjithë karrierës së tij si lojtar, thotë se dëshiron të flasë të vërtetën për tmerrin e plotë të shkaktuar në Ukrainë.

“Këto ngjarje janë një katastrofë. Krejtësisht horror. Nuk e di, ndoshta do të më burgosin ose do të më vrasin për këto fjalë, por po flas ashtu siç është”, ka deklaruar Denisov për Nobel.

Lexo po ashtu Të gjitha lajmet nga Kriza në Ukrainë

Ish-futbollisti i Zenitit ka thënë se në këto momente nuk ndjen krenari për kombin e tij dhe se i ka shkruar presidentit Vladimir Putin duke i kërkuar ndalimin e luftës, e cila po vazhdon që nga fundi i shkurtit.

Denisov ishte një figurë kyçe për Rusinë nga viti 2008 deri në vitin 2016, kur regjistroi 54 paraqitje, duke përfshirë edhe një periudhë si kapiten. /Telegrafi/