Muller kthehet titullar te Bayern

Jupp Heynckes ka konfirmuar se Thomas Muller do ta nisë si titullar për Bayern Munich ndeshjen kundër Hannoverit, të shtunën, pasi është shëruar nga një lëndim.

Gjermani nuk ka qenë i pranishëm për kampionët e Bundesligës që nga fitorja 1-0 në Hamburg, më 21 tetor.

“Ne e pamë përsëri Mullerin e vjetër në stërvitje këtë javë. Thomas po rrezaton ambicie”, tha ai në një konferencë shtypi duke shtuar se “Unë jam i kënaqur që ai po kthehet përsëri. Ai do ta fillojë si titullar ndaj Hanoverit”.

David Alaba dhe Franck Ribery, gjithashtu, mund të jenë në formacion. I pari mungon që nga mesi i muajit të kaluar, ndërsa francezi nuk ka luajtur që nga fillimi i tetorit. “Ne do të shohim se si ata janë pas trajnimit dhe do të presin për dritën jeshile nga ekipi mjekësor para se të përfshihen”, – shtoi Heynckes.

Megjithatë, Arjen Robben mungon me një tendosje të kofshëve dhe mund të mos jetë përsëri për ndeshjen e Ligës së Kampionëve në mesjavë, kundër PSG.

“Arjen Robben ka punuar shumë në palestër. Unë nuk dua të bëj një prognozë rreth kthimit të tij. Ne do të duhet të presim dhe të shohim nëse ai do të jetë në gjendje të stërvitet me ekipin të hënën ose të martën. Tani për tani është shumë herët për të bërë një deklaratë. Nuk e di, por nuk ka shumë kohë dhe sidomos me Arjenin kurrë nuk do të rrezikoja asgjë. Ai është padyshim shumë i motivuar, si gjithmonë, por nuk do të rrezikoj aspak.” /telesport/