Mourinho: Manchester United luan për vendin e dytë në grup, kam marrëdhënie të mirë me Juventusin dhe Allegrin

Trajneri i Manchester United, Jose Mourinho, ka thënë përsëri se Juventusi është  favoritët për të fituar në Ligën e Kampionëve, ndërsa e shpjegoi edhe gjestin e tij ndaj tifozëve.

Ndeshja zhvillohet të mërkurën nga orë 21:00 dhe një fitore ia siguron automatikisht Juve raundin tjetër.

“Nesër është një ndeshje e madhe dhe është aq e madhe sa që nuk mendojmë për çfarë vjen pas.  Është ndeshje mjaft e madhe pasi luajmë ndaj Juventusit. Nuk është ndeshje vendimtare për ne”.

“Ndeshjet kundër Young Boys dhe Valencia do të përcaktojnë pozitën e dytë”.

“Nesër është sigurisht një ndeshje që duam të fitojmë. Ne duhet të luajmë, duam të luajmë dhe duam aq shumë, shumë”.

Ai tregoi pse i bëri me shenjë me tre gishta kundrejt tifozëve të Juves.

“Tifozët në fund u sollën në një mënyrë të tillë që nuk ishte e përshtatshme dhe jo shumë e bukur kështu që unë arrita në përfundimin se kjo është përgjigja e vetme, dhe për këtë kam reaguar me të tre gishtat”.

“Kam një marrëdhënie të mirë me klubin e Juventusit dhe me Max Allegrin, ne jemi miq të mirë. Ne kemi një marrëdhënie shumë të mirë me të gjithë, prandaj nuk kam kujtime të këqija që kur kam qenë këtu në Itali”.

Ai foli edhe për marrdhënjen me Paul Pogban, duke shtuar se është e mirë. /Telegrafi/