Mourinho e kishte befasuar me kërkesat për transferime Woodwardin e Unitedit

Shefi ekzekutiv i Manchester Unitedit, Ed Woodward mbeti i befasuar kur Jose Mourinho i kërkoi dy transferime në mes të rrugës së afatit kalimtar të verës.

Në këtë të fundit, ish-menaxher i Unitedit ishte i bindur se kishte nevojë për një tjetër lojtar në qendër të mbrojtës.

Lexo po ashtu Të gjitha lajmet rreth Manchester Unitedit

Kjo, pavarësisht se kishte në dispozicion Eric Baillyn dhe Victor Lindelofin, të cilët vetë i kishte transferuar me të ardhur në krye të shtabit teknik.

Jerome Boateng i Bayern Munichut u shtua në listën e transferimit të portugezit gjithashtu edhe reprezentuesi kolumbian, Yerry Mina.

Por, sipas gazetës “Evening Standard” për shkak të moshës dhe numrit rekord të dëmtimeve të Boatengut, Woodward ishte i hapur vetëm për një marrëveshje në formë huazimi.

Në anën tjetër, Barcelona nuk ishte i gatshëm ta shiste atëbotë mbrojtësin Mina, i cili tashmv lojtar i Evertonit.

Ndryshe, Mourinho u shkarkua nga posti i trajnerit të “Djajve të Kuq” pas rezultateve të dobëta në këtë sezon në Ligën Premier. /Telegrafi/