Motorola prezanton konceptin e telefonave inteligjentë të rrotullueshëm në Lenovo Tech World ‘22

Motorola ka qenë një pionier në industrinë e telefonave për mbi 90 vjet dhe ka qenë vazhdimisht në ballë të inovacionit nga telefonat e palosshëm e deri tek telefonat 5G.

Ky trend vazhdoi gjatë javës së kluar te Lenovo Tech World ’22 ku Motorola përshkroi të ardhmen e faktorëve novatorë të formës dhe prezantoi një koncept të ri telefonave të mençur “Rollable”.

Ky koncept i ri “Rollable” vije nga ekipi i 312 Labs, grupi i brendshëm i inovacionit të Motorola-s i ekspertëve të produkteve, kërkimit, dizajnit dhe inxhinierisë nga e gjithë bota, transmeton Telegrafi.

312 Labs eksploron disa hapësira teknologjike në zhvillim, dhe një në veçanti është riimagjinimi i faktorëve të formës së pajisjes për të zgjidhur “pikat e dhimbjes” së klientit dhe për të mundësuar përvoja të reja.

Ky koncept i ri bazohet në ekranin dhe risitë mekanike që kemi ofruar në pajisjet tona të palosshme dhe projektet ku mund të shkojë hapësira emocionuese e faktorëve të formës dinamike.

“Ne tek Motorola, e shohim këtë telefon të mençur si një zgjerim tonin – një mjet i cili na lejon që t’i përshtatemi mjedisit tonë dhe t’i kryejmë detyrat tona më lehtë. Tani ne po investojmë në ekrane të elastike OLED ose pOLED, për të dhënë një balancë optimale të përmbajtjes dhe komfortit”, thuhej në deklaratën e Motorola në Lenovo Tech World ’22.

Tutje ata vazhduan: “Koncepti ‘Rollable’ mishëron këtë ide me një ekran që përshtatet në tre gjendje të dallueshme: i zgjatur, kompakt dhe ‘peek’, me një shtypje të thjeshtë të një butoni”.

Me pak më shumë se 4 inç i gjatë, koncepti “Rollable” tërhiqet në një formë më të vogël se shumica e pajisjeve të tjera premium në treg.

Ose nëse është një ekran 6,5” për lojëra gjithëpërfshirëse ose një madhësi e tërhequr për lehtësi gjatë lëvizjes, ky koncept ofron mundësi të pafundme për krijimin e përmbajtjes dhe argëtimin ndërsa ofron fleksibilitet të ri të një pajisjeje të vogël me ekran të mbyllur. /Telegrafi/