Moti sot përkeqëson cilësinë e ajrit

Sot në vend parashikohet të jetë mëngjes me ngrica dhe mundësi për mjegull, ndërsa pritet edhe përkeqësim i cilësisë së ajrit.

Në ditët në vijim vendi ynë do të jetë nën ndikimin e fushave anticiklonike që ndodhet në lindje të kontinentit, ndërsa ditëve të fundjavës, fusha anticiklonike që po shtrihen mbi Mesdheun perëndimor, pritet të sjellin edhe masa më të ngrohta ajrore, ku do të rrisin temperaturat ndjeshëm mbi vlera mesatare.

Të premten mund të ketë reshje të dobëta shiu e bore, vende-vende edhe shi të akullt.

Sipas situatës sinoptike që parashihet për ditët në vijim, nën ndikimin e zonave anticiklonike dhe mundësive për mjegull, nuk pritet të ketë qarkullim të mjaftueshëm ajror, që do të përkeqësoj cilësinë e ajrit, derisa vlerat e indeksit të kualitetit të ajrit do të rriten në vlera të pashëndetshme.

Pas temperaturat të ulëta që parashihen në mëngjes, ditëve të ardhshme pritet rritje e temperaturave mbi vlera mesatare. Minimalet pritet të zbresin deri në -9, e më pas do të luhaten nga -4 deri në +2 gradë Celsius, e maksimalet ndërmjet 3 deri në 8 gradë Celsius.

Do të fryjë erë e lehtë nga krahu jugor 1-4m/s. Shtypja atmosferike do të qëndrojë lartë mbi vlera normale.