Mosmarrëveshje me Messin dhe minutazhë të vogël – Icardi gjithnjë e më afër transferimit te Juventusi

Sipas Tuttosport, Juventus shpreson të nënshkruajë Mauro Icardin në janar me ish-kapitenin e Interit, që është në marrëdhënie jo të mira me Lionel Messin dhe duke luftuar me minutazhën në Paris.

Zonja e Vjetër është e dëshpëruar për gola dhe është në kërkim të një sulmuesi të ri në afatin kalimtar të janarit.

Biankonerët kanë shënuar vetëm 23 gola në 16 ndeshje të Serisë A këtë sezon, rekordi më i keq në mesin e dhjetë më të mirëve në ligë.

Lexo po ashtu Realizimi i një ëndrre: A do të bashkohet Mauro Icardi me Juvenusin?

Ata kanë në listë një mori sulmuesish, duke përfshirë Edinson Cavanin dhe Dusan Vlahovic, por sipas Tuttosport, Icardi është një opsion më i realizueshëm.

Para së gjithash, Juventusi mund të përballojë pagën e sulmuesit argjentinas dhe shpreson ta nënshkruajë atë në një huazim gjashtë mujor me opsion blerjeje.

Lexo po ashtu Agjentja Wanda Nara takohet me presidentin Agnelli, Icardi afër transferimit te Juventusi

Së dyti, Icardi raportohet se nuk ka marrëdhënie të mira me Messin dhe ka pasur vështirësi me minutazhën e lojës në Parc des Princes, pasi ka shënuar vetëm tre gola në 18 paraqitje në të gjitha garat.

Sipas Tuttosport, ndërmjetësit tashmë po punojnë për të realizuar marrëveshjen, megjithëse PSG do të dëshironte të përfshijë një detyrim për të blerë në marrëveshje.

Juventus gjithashtu mund të ofrojë mesfushorin e tyre Arthur Melo, i cili po kërkon një rrugë daljeje nga Allianz Stadium. /Telegrafi/