Mos harroni se ku e keni përdorur për herë të fundit: Katër mënyra për të gjetur një send të humbur

Zakonisht ndodh që shpejt të kujtojmë se ku e kemi lënë sendin e fundit që kemi humbur

Të gjithëve na ndodh që herë pas here të humbasim një diçka dhe sado të përpiqemi ta gjejmë, assesi nuk na shkon për dore.

Megjithatë, nëse ndiqni këto parime, do ta keni shumë më të lehtë të gjeni gjërat e humbura, transmeton Telegrafi.

1. Mos kërkoni menjëherë një send të humbur

Kur njerëzit humbasin diçka, instinkti i tyre i parë është të fillojnë të gjurmojnë në banesën e tyre pa asnjë plan. Ky është një gabim i madh, sepse në kaosin që mbetet pasi t’i lëvizni gjërat, do ta keni edhe më të vështirë të gjeni sendin e humbur. Për këtë arsye, së pari duhet të mendoni se ku mund të gjendet sendi i humbur dhe vetëm më pas të filloni ta kërkoni atë.

2. Sendi është aty ku e ka vendin

Në shumicën e rasteve, njerëzit fillojnë të bëjnë panik, sepse nuk e gjejnë dot ndonjë send, ai është në vendin e tij të zakonshëm, vetëm se ata nuk e kanë vënë re. Ndoshta ka përfunduar në skajin tjetër të sirtarit ose dikush e ka mbuluar me rroba, por ndoshta ju thjesht po mendonit për diçka tjetër kur e kërkonit.

3. Mbani mend gjënë e fundit që keni bërë me artikullin e humbur

Nëse nuk është në vendin e tij të zakonshëm, artikulli i humbur është ndoshta vendi ku e keni përdorur për herë të fundit. Kthejeni filmin pak mbrapa dhe përpiquni të mbani mend se ku, për shembull, keni shkruar për herë të fundit me stilolaps, keni përdorur pincë ose keni krehur flokët.

4. Shikoni diku vetëm një herë, por në detaje

Mos u rrotulloni në një rreth kur kërkoni diçka. Pasi të keni inspektuar një dhomë në detaje, mos u ktheni në të. Nëse nuk e keni gjetur herën e parë në këtë dhomë, nuk do ta gjeni herën e dytë. /Telegrafi/