“Molla e madhe” po hapet, guvernatori i Nju Jorkut paralajmëron zbutjen e masave anti-COVID

Guvernatori i Nju Jorkut, Andrew Cuomo, ka paraqitur planin për “ringjalljen” e skenës artistike të Nju Jorkut, si dhe ka lejuar restorantet të hapin ambientet e tyre më herët sesa që ishte paralajmëruar, e kjo po ndodh për shkak të situatës së “kënaqshme” epidemiologjike, shkruan Reuters.

“Kur e mbyllën Broadway e kinematë, kemi mbyllur tërë industrinë”, arsyeja është e ditur, por tani duhet të gjejmë një mënyrë t’i ndihmojmë”, ka porositur Cuomo gjatë një konference për media, gjatë prezantimit të planit për “ringjalljen” e skenës artistike të quajtur “New York Pops Up”, transmeton Telegrafi.

Guvernatori i Nju Jorkut ka paralajmëruar rreth 300 ngjarje të veçanta artistike gjatë 100 ditëve të ardhshme, si një uverturë për mbylljen e serishme të mundshme të teatrit në Broadway, e eventi i parë do të mbahet më 20 shkurt në Manhattan.

Cuomo gjithashtu ka ndryshuar datën kur restorantet në Nju Jork do të mund sërish të fillonin punën me 25 për qind të kapaciteteve gjatë 12 shkurtit, e paralajmërimi për rihapje më herët ishte bërë duke bërë të ditur se do të ndodhë më 14 shkurt, në ditën e të dashuruarve.

Përqindja e infeksioneve me coronavirus vazhdimisht është duke rënë në Nju Jork, kurse javën e kaluar ishte raportuar 4.42 e jo siç ishte 7.94 për qind më 4 janar – përqindje kjo e kënaqshme për lirimin e masave anti-COVID. /Telegrafi/