Ministria e Punës përmbush obligimet e ERA-së

Ministria e Punës dhe Mirëqenies Sociale (MPMS) ka përmbushur me sukses të gjitha detyrat dhe obligimet e parapara në planin e veprimit për Reformë të Agjendës Evropiane (ERA).

Një gjë e tillë u tha gjatë takimit të Këshillit Ministror nga ministrja e Integrimeve Evropiane, Dhurata Hoxha, takim në të cilin u diskutua rreth zbatimit të planit të veprimit të reformës së agjendës evropiane dhe përmbushjes së obligimeve të dala për ministritë gjegjëse, si dhe zbatimit të Planit të Marrëveshjes për Stabilizim-Asociim (MSA).

Ministri i MPMS-së, Skender Reçica, raportoi gjatë takimit të Këshillit Ministror rreth masave për zbatimin e MSA-së, ku theksoi se MPMS ka përmbushur disa masa dhe është në fazën e përmbushjes së masave të tjera.

“Shpresojmë se gjatë këtij viti do të përmbushen të gjitha obligimet e MPMS-së, në kuadër të Marrëveshjes së Stabilizim-Asociimit”, tha ministri Reçica.

Lexo po ashtu Komisioni LIBE të mërkurën diskuton për liberalizimin e vizave për Kosovën

Ministrja Hoxha pas takimit të Këshillit Ndërministror për Integrim Evropian tha se pret mbështetje nga ky Komision, për të kaluar çështje e liberalizimit të vizave në Parlamentin Evropian. /Telegrafi/