Ministria britanike e Mbrojtjes: Rezervat energjetike të Ukrainës do t’i mbijetojnë dimrit pavarësisht sulmeve të mundshme

Përpjekjet e Ukrainës sa i përket krijimit të rezervave të karburantit ka të ngjarë t’i mbijetojnë dimrit, pavarësisht presioneve të vazhdueshme të luftës, ka njoftuar Ministria e Mbrojtjes e Britanisë.

Raporti më i fundit nga Ministria e Mbrojtjes thotë se Kievi ka mobilizuar në mënyrë efektive sektorin e tij të minierave, për të ruajtur prodhimin dhe për të siguruar një furnizim të qëndrueshëm të qymyrit që mund të mbajë funksionimin e termocentraleve dhe ngrohjes, transmeton Telegrafi.

“Ka gjithashtu rezerva të konsiderueshme gazi në rezervë”, shtoi raporti i ministrisë.

Lexo po ashtu Poshtërim i ri për Putinin, ish-shefi i spiunazhit e fajëson atë për dështim në Ukrainë

Rrjeti elektrik i Ukrainës i mbijetoi një sulmi të pamëshirshëm bombardimi dimrin e kaluar, i cili la miliona përkohësisht pa energji elektrike.

“Sulmet ka të ngjarë të vazhdojnë këtë dimër, por Kievi ka fuqinë punëtore të aftë dhe ekspertizën e nevojshme për të mirëmbajtur rrjetin e tij elektrik”, tha ministria britanike në një raport. /Telegrafi/

Latest Defence Intelligence update on the situation in Ukraine – 17 August 2023

Find out more about Defence Intelligence's use of language: https://t.co/3dXSPp0i6Z

🇺🇦 #StandWithUkraine 🇺🇦 pic.twitter.com/quzREoEomm

— Ministry of Defence 🇬🇧 (@DefenceHQ) August 17, 2023