‘Militantët e ISIS morën kontrollin’, prenë në fyt një roje, morën peng disa të tjerë – detaje dhe pamje të rebelimit në ‘një burg të regjimit të ashpër’ në Rusi

Të paktën një person është vrarë në Rusi pasi të burgosurit në një burg që pretendonin se ishin militantë të Shtetit Islamik goditën me thikë rojet dhe morën pengje.

Uebfaqja ruse Mash tregoi një video të të paktën dy sulmuesve, ku njëri deklaronte se ishin “muxhahidë” dhe thoshte se kishin marrë nën kontroll burgun, shkruan Sky News, përcjell Telegrafi.

Katër zyrtarë me uniformë mund të shiheshin në “pellgje gjaku” – tre prej tyre të palëvizshëm. Një tjetër ishte ulur drejt në një portë me një thikë të mbajtur në qafë.

Sulmuesit thuhet se kanë vrarë të paktën një zyrtar të burgut.

Forcat e sigurisë më pas sulmuan burgun për të liruar pengjet, thonë kanalet televizive ruse të lajmeve.

Kanali i lajmeve Baza tha se të gjithë pengjet ishin shpëtuar, pa dhënë ndonjë numër, raportoi Reuters.

Mendohet se të paktën një pengmarrës u vra në operacionin e shpëtimit.

Ngjarja ndodhi të premten në një njësi burgu, që besohet të jetë IK-19 në Surovikino, Rusia jugperëndimore.

“Gjatë një seance të një komisioni disiplinor, të dënuarit morën peng personelin e institucionit penal”, thuhet në njoftimin e shërbimit të burgjeve.

Faqet ruse të lajmeve kishin publikuar emrat e katër sulmuesve të dyshuar dhe thanë se ata ishin nga Uzbekistani dhe Taxhikistani, por nuk ka asnjë konfirmim zyrtar.

Putin was informed about the seizure of the prison in Volgograd. They were obviously in a hurry with the video – he didn't have time to take off his watch. Had to improvise. pic.twitter.com/jZZJJludUN

— WarTranslated (Dmitri) (@wartranslated) August 23, 2024

Presidenti Vladimir Putin u regjistrua më vonë në një takim të këshillit të sigurisë duke kërkuar nga udhëheqësit një vlerësim të situatës.

Burgu i përfshirë mund të mbajë më shumë se 1200 të burgosur meshkuj dhe klasifikohet si “njësi e regjimit të ashpër”. /Telegrafi/