Miliona njerëz drejt qendrave të votimit në ditën e fundit të zgjedhjeve evropiane

Evropianët në 20 vende do të shkojnë në kutitë e votimit në ditën më të madhe dhe të fundit të votimit për Parlamentin Evropian.

Në një vit zgjedhjesh kyçe, vota e BE-së është veçanërisht e rëndësishme, në një kontinent që dëshmon politikë të polarizuar dhe rritje të nacionalizmit, shkruajnë mediat e huaja, përcjell Telegrafi.

Përgatitja para votimit është shënuar nga incidente të dhunshme – megjithëse një sulm ndaj kryeministres daneze Mette Frederiksen që e detyroi atë të ndalonte fushatën nuk po shihet si i motivuar politikisht.

Grupimi kryesor i qendrës së djathtë të Evropës pritet të vijë në krye në të gjithë BE-në kur rezultatet e para të dalin më vonë të dielën, megjithatë tri parti në të djathtën ekstreme kanë synimin të fitojnë shumicën e vendeve në nivel kombëtar.

Votimi tashmë ka filluar të enjten, të premten dhe të shtunën për disa vende të BE-së – por shumica e vendeve anëtare të BE-së po votojnë të dielën.

Parlamenti Evropian është lidhja e drejtpërdrejtë midis evropianëve dhe institucioneve të BE-së. /Telegrafi/