Miley Cyrus ka publikuar këngën e katërt nga albumi i saj i ardhshëm “Something Beautiful”, titulluar “More to Lose”.
Këngëtarja 32-vjeçare ndau gjithashtu një videoklip emocionues, i cili tregon atë duke kënduar për një marrëdhënie që nuk po shkon siç duhet, ndërsa derdh lot.
Në video, Miley është e veshur me një fustan të shndritshëm dhe në fund të klipit mban një pallto të zezë me një mbulesë koke në stilin e Batmanit, shkruan DailyMail.
Kënga ka shkaktuar spekulime mes fansave, të cilët mendojnë se ajo mund të jetë për ish-bashkëshortin e saj, Liam Hemsworth, pas ndarjes së tyre në vitin 2019.
Miley ka shpjeguar se kënga është një histori personale dhe nuk do të donte që të interpretohej në mënyrë të tepruar. Ajo ka thënë se qëllimi ishte që të tingëllonte autentike dhe emocionale, duke shmangur përsosjen.
Në një intervistë të mëparshme, Miley ka folur hapur për periudhën e vështirë që kaloi pas humbjes së shtëpisë gjatë zjarrit të Woolsey në 2018 dhe si kjo e ka ndihmuar të rindërtojë jetën e saj. “Të humbasësh gjithçka dhe të rindërtohesh është një bekim”, tha ajo, duke reflektuar mbi forcën që ka marrë nga këto sfida.
Albumi i saj “Something Beautiful” pritet të publikohet më 30 maj, dhe “More to Lose” është pjesë e këtij projekti. /Telegrafi/
