Milani merr fitoren e parë të sezonit, mposht me rezultat të thellë Venezian

Milani ka arritur të marrë fitoren e parë këtë sezon në Serie A duke e mposhtur në shtëpi Venezian me rezultat të thellë 4-0 në kuadër të javës së katërt.

Vendasit arritën që të kalojnë në epërsi që në minutën e dytë pas një aksioni fantastik nga Rafael Leao i cili asistoi tek Theo Hernandez që realizoi një gol të bukur për 1-0.

‘Rossonerët’ e shënuan edhe golin e dytë në minutën e 16-të kur Christian Pulisic me krosimin e tij e gjeti Matteo Gabbian që shënoi për 2-0.

Të besuarit e Paulo Fonsecas nuk u ndalën më kaq dhe shënuan sërish, kësaj radhe me Pulisic në rolin e golashënuesit i cili nga pika e bardhë nuk gaboi për 3-0.

A whirlwind first half-hour of football 🌪️#MilanVenezia #SempreMilan pic.twitter.com/HoSMxd5Hqw

— AC Milan (@acmilan) September 14, 2024

Pikërisht nga penalltia Milani e gjeti edhe golin e katërt por kësaj radhe atë e ekzekutoi Tammy Abraham i cili me qetësi e mposhti portierin mysafir (4-0).

Në pjesën e dytë mysafirët arritën që ta gjejnë golin por ai u anulua më pas nga VAR-i për goditje të dënimit gjatë ndërtimit të aksionit.

Kjo ishe fitorja e parë për Milanin këtë sezon në Serie A pasi paraprakisht nuk kishin arritur të marrin tri pikë në takimet ndaj Torinos, Parmës dhe Lazios./Telegrafi/