Milani thuhet se ka vendosur një çmim prej 15 milionë euro për sulmuesin e tyre kolumbian, Carlos Bacca.
31-vjeçari e kaloi sezonin e kaluar në huazim në La Liga te Villarreali, dhe pavarësisht që u kthye në klubin e tij, ai nuk dëshiron të qëndrojë dhe të luftojë për një vend titullari te Rossonerët.
Ai mendohet se do të preferonte idenë e kthimit te Nëndetësja e Verdhë, ku ai shënoi 18 gola në të gjitha garat në sezonin e kaluar.
Por mediumi italian Gazzetta dello Sport raporton se asnjë ofertë e pranueshme nuk ka ardhur akoma për Baccan.
Bacca duke festuar një gol me fanellën e Milanit (Getty Images)
E përditshmja italiane pretendon se klubi kuqezi e vlerëson atë rreth 15 milionë euro dhe nuk do të konsiderojë asnjë ofertë nën shifrën e 12 milionë eurosh.
Klubi nga San Siro duhet të rifitojë disa nga shpenzimet e tyre, pas nënshkrimit të dyfishtë të Gonzalo Higuain dhe Mattia Caldara nga Juventus.
Bacca, i cili është i etur për një rikthim në Spanjë, duket të jetë një nga emrat e parë të vendosur për tu larguar nga skuadra. /Telegrafi/
