Microsoft e ndihmon iPhone të bëhet kompjuter!

Strategjia e Microsoft për të mundësuar përdorimin e aplikacioneve të saj në platforma të shumta, me sa duket po jep rezultate të reja.

Së fundmi, kompania amerikane ka njoftuar se softueri i saj më i përdorur, Microsoft Word do të vijë në formën e plotë edhe për iPhone, ngjashëm sikurse është sot në versionin e Windows Phone 8.1.

Më saktësisht do të jetë varianti i ri i kushtuar pajisjeve mobile, Word Flow që do të vijë në iPhone dhe platformat tjera mobile.
Word Flow ua mundëson përdoruesve që të zgjedhin shkronja dhe karaktere të ndryshme në ekran, të shkruajnë fjalë dhe të krijojnë fjali nga pajisjet mobile që kanë ekranin e ndjeshëm në prekje.

Për më shumë, aplikacioni i ri që do të vijë në iOS dhe iPhone gjithashtu ofron mundësinë e shkrimit të teksteve të sugjeruara, që nënkupton se aplikacioni do ta kuptojë një fjalë që përdoruesi e ka shkruar më herët, dhe do ta sugjerojë atë.

Përmbajtja e teksteve të shkruara në aplikacion do të përmirësohet gjithnjë e më shumë, dhe bëhet më e lehtë, ndërsa përdoruesi vazhdon ta përdor shërbimin. (Telegrafi)