Mickoski paralajmëron regjistrim të ri nëse vijnë në pushtet

Si parti, për mendimin tonë, ky operacion statistikor është i paplotë. Regjistrimi duhet të jetë ashtu siç duhet dhe të dimë saktësisht këta 132 mijë bashkëqytetarë se cilit popull i përkasin, edhe pse është e qartë se shumica prej rreth 90% janë maqedonas, por për ndonjë arsye nuk janë deklaruar. Unë e kuptoj dhe respektoj vendimin e tyre. Nëse ato deklaroheshin numrat do të ishin ndryshe, tha lideri i OBRM-PDUKM-së, Hristijan Mickoski për rezultatet e sotme të regjistrimit.

Mickoski thekson se që në fillim kanë pasur shumë vërejtje për regjistrimin.

“Shumica e të padeklaruarve janë nga populli maqedonas dhe thamë se pas ndryshimit të qeverisë do të kemi një operacion të ri statistikor, regjistrim elektronik, në të cilin do të dimë qartë se sa është popullsia rezidente në Maqedoni. Rezultatet treguan se vendi është shpopulluar me më shumë se 10% dhe ky është një fakt shkatërrues për të gjithë politikanët në skenën politike. Kjo duhet korrigjuar nga politika me strategji. Pas ardhjes në pushtet, shpallim operacion të ri statistikor.

Nuk është çështja a do ta pranojmë regjistrimin. Njerëzit janë të ndarë për shkak të tij dhe ne i mashtrojmë. Është pjesë e Ligjit për Statistikat dhe ligji është miratuar. Nuk ka daulle pas dasmës. Nuk është dashur të na marrin seriozisht kur kemi paralajmëruar për pasojat”, tha Mickoski në “Çka nuk është e qartë”./Telegrafi/