Michelle Pfeiffer ka pozuar pa grim dhe ka treguar se sa e përsosur duket në dekadën e shtatë

Michelle Pfeiffer me një fotografi të re ka konfirmuar se mosha e saj është vetëm një numër dhe se edhe në dekadën e shtatë duket e përsosur.

Ndryshe nga koleget e shumta, aktorja nuk e ka problem të shfaqet në publik pa grim, por edhe të ndajë përditshmërinë e saj, e cila është larg glamurit të Hollywoodit.

Në profilin e saj në Instagram, 65-vjeçarja e ka publikuar një imazh pa makijazh dhe ka thënë se mezi po e pret diellin në Los Angeles.

Në të kaluarën, Pfeiffer e kishte treguar sekretin e bukurisë së përjetshme duke thënë: “Hani mirë, ushtroni dhe flini mjaftueshëm”.

Ajo ka ndërtuar një karrierë të suksesshme aktrimi për më shumë se katër dekada, ndërsa gjatë viteve të tetëdhjeta dhe nëntëdhjeta u bë një nga yjet më fitimprurëse të Hollywoodit, si dhe një nga seks simbolet më të njohura të asaj kohe.

Ka marrë çmime të ndryshme, duke përfshirë Golden Globe dhe çmimin e Akademisë Britanike të Filmit. Në vitin 2007, u nderua me një yll filmi në Hollywood Walk of Fame. /Telegrafi/