Michelle Obama thotë se “as që tentoi të buzëqeshte”, gjatë inaugurimit të Donald Trumpit, si president (Foto/Video)

Michelle Obama ka pranuar se ajo ‘as që tentoi të buzëqeshte’ gjatë inaugurimit të Donald Trump si president i SHBA-ve, kur vuri re mungesën e diversitetit midis mbështetësve të tij në turmë.

Sipas mediave të huaja, përcjell Telegrafi, ish-zonja e parë ka zbuluar se nuk mund të bënte një gjë të tillë, sidomos kur e kuptoi se “diversiteti i gjallë” që shihej nga dy inaugurimet e burrit të saj, Barack Obama tanimë po mungonte.

Në një libër, siç thuhet më tej, i cili do të publikohet sot, Zonja Obama tha se kontrasti i thellë midis ceremonisë së Trump dhe burrit të saj ishte tronditës.

Në një intervistë në Good Morning America, pak orë para lansimit të librit të saj, Zonja Obama ka zbuluar edhe mendimet e saj rreth presidentit aktual.

“Unë e kam thënë atë që unë do të vazhdoj ta them: të qenit Komandant Suprem është një punë e vështirë”, tha ajo. “Duhet të keni disiplinë, duhet të lexoni dhe duhet të keni njohuri, duhet të dini historinë, duhet të jeni të kujdesshëm me fjalët tuaja…”.

Ajo tha se familja e saj – si amerikanë me ngjyrë – të qenit në Shtëpinë e Bardhë ishte njëkohësisht një “festë” dhe diçka “e urryer”.

“Prania jonë në Shtëpinë e Bardhë ishte kremtuar nga miliona amerikanë, por gjithashtu kontribuoi në një ndjenjë reaksionare të frikës dhe pakënaqësisë mes të tjerëve”, shkruan ajo në librin e saj. “Urrejtja ishte e vjetër dhe e thellë, dhe po aq e rrezikshme sa kurrë më parë”.

Michell Obama gjithashtu zbulon në librin e saj se kurrë nuk mendonte se burri i saj mund të fitonte zgjedhjet presidenciale të vitit 2008, sepse ajo nuk ndjehej sikur ‘vendi ishte gati’. /Telegrafi/