Meta ul çmimet në pajisjet e realitetit virtual Quest Pro dhe Quest 2 VR

Meta po fillon uljen e çmimeve në pajisjet e saj të realitetit virtual. Duke filluar nga 5 marsi, Quest Pro premium do të shitet për 1,000 dollarë, në vend të çmimit të mëparshëm prej 1,500 dollarësh. Rënia mjaft e ndjeshme e çmimit u njoftua nga vetë Mark Zuckerberg në një kanal në Instagram. Ai thotë se masa ka për qëllim të ndihmojë “më shumë njerëz të futen në VR”.

Meta Quest 2 256GB i nivelit më të lartë po bëhet gjithashtu më i lirë dhe do të shitet për 429 dollarë në vend të çmimit të mëparshëm prej 500 dollarësh. Në ndërkohë, Quest 2 128GB bazik do të ruajë çmimin e tij prej 400 dollarësh, që do të thotë se një përmirësim i dyfishtë i hapësirës do t’ju kushtoj vetëm 30 dollarë më shumë.

Vlen të theksohet se kjo ulje çmimi prej 256 GB Quest 2, sado e mirëpritur që është, ende nuk është e mjaftueshme për të arritur çmimin origjinal të Quest 2. Ju mund të mbani mend se vitin e kaluar Meta në fakt rriti çmimet për Quest 2, raporton GSM Arena, transmeton Telegrafi.

Versioni me 128 GB u rrit nga 300 në 400 dollarë, ndërsa ai me 256 GB nga 400 në 500 dollarë. Në atë kohë, Meta shpjegoi rritjet e pazakonta të çmimeve me kosto më të larta të prodhimit dhe transportit. Ai gjithashtu premtoi se të ardhurat shtesë do të përdoren për të rritur investimet në kërkimin dhe zhvillimin e VR.

Ndërsa nuk mund të themi nëse ky premtim u realizua, ne e dimë se 20% të shpenzimeve totale të Meta në vitin 2023 do të dedikohen për divizionin e Reality Labs. Nuk ka dyshim se Zuckerberg po investon shumë në VR, raporton GSM Arena.

Në fakt, nëse duhen besuar thashethemet, një gjeneratë e re pajisjes Quest pritet të lansohet në fund të këtij viti. Kjo mund të jetë pjesë e arsyes pse Meta po përpiqet të lëvizë disa stoqe ekzistuese të produkteve të saj të gjeneratës aktuale përpara lansimit. /Telegrafi/