Lajme Kosovë Arsim

Mësoni si të studioni me bursë të plotë në University of Applied Sciences Ludwigshafen, Gjermani

Pas përfundimit të shkollës së mesme ju mund të jeni tunduar nga ideja e studimit jashtë vendit. Në të vërtetë vendimi është i madh ashtu siç janë edhe dyshimet tuaja, ju nuk jeni të sigurt nëse do ta bëni hapin e rëndësishëm ose jo.

Këtë ju mundëson Kolegji Universum i cili deri më tani ka nënshkruar rreth 25 marrëveshje me universitete jashtë Kosovës.

Ky kolegj me punë të vazhdueshme po e vendosë Kosovën në hartën e botës. Pas vazhdimit me sukses të studimeve në University of Applied Sciences Ludwigshafen të tre studentëve të Kolegjit Universum Mirlinda Zhushi, Granit Doshlaku dhe Kristofer Shala tani është hapur thirrja edhe për tre studentë tjerë të vazhdojnë studimet semestrin e ardhshëm në po të njëjtin universitet.

Për herë të parë studentëve nga Kosova ju ofrohet mundësia të studiojnë në Gjermani me bursë të plotë të mbështetur nga Programi Erasmus+, projekt i fituar nga Kolegji Universum.

Së fundi ka qenë PISA e cila e ka pasqyruar këtë situatë, duke e radhitur Kosovën si një ndër vendet me rezultate më të dobëta në Evropë. Megjithatë, universitetet dhe kolegjet në Kosovë janë përpjekur vazhdimisht të rrisin cilësinë sidomos në kuadër të bashkëpunimeve ndërkombëtare.

Në këtë drejtim mund të vlerësohet si sukses i veçantë bashkëpunimet e Kolegjit Universum me universitete nëpër Evropë në kuadër të programit Erasmus+.

Programi Erasmus+ është programi më i popullarizuari në Evropë për shkëmbim të studentëve.

Ky program u jetësua në vitin 1987 dhe që nga atëherë vazhdon t’i ndihmojë studentët ta përjetojnë jetën studentore në njërin nga shtetet e Evropës. Deri më tani 32 studentë të Kolegjit Universum kanë studiuar nëpër këto Universitete për një semestër. Çdo studentë ka përfituar një bursë rreth 5075 Euro.

Universitetet nëpër të cilat kanë studiuar këta studentë, ku do ta kenë mundësinë edhe studentët e rinj, përfshijnë shtetet si Gjermania, Italia, Turqia, Latvia, Portugali, Kroacia, Polonia, Rumania, Lituania, Sllovenia, Irlanda, Bullgaria.

Këto janë disa nga universitetet në të cilat studentët e kolegjit Universum kanë studiuar: University of Applied Sciences (Ludwigshafen-Gjermani), Nova de Lisboa (Portugali) University Politehnica of Bucharest (Rumani) Middle East Technical University (Ankara), Afyon Kocatepe University (AfyionKaiser), KadirHas University (Stamboll), Turiba Univesity (Latvi), University of Foggia (Itali), Business School PAR (Rijeka), University College of Pedagogy (Poloni), Sofia University (Bullgari).

Në kuadër të këtij programi kanë përfituar edhe stafi akademik si dhe ai administrativ. Po ashtu shumë profesorë nga këto Universitete kanë ardhur në Kolegjin Universum të ligjërojnë përpara studentëve të këtij kolegji. E gjitha kjo bëhet me qëllim të ngritjes së cilësisë së arsimit në Republikën e Kosovës.