Uthulla është produkt i fermentimit të verës apo të ndonjë artikulli tjetër i cili përmban sasi të mjaftueshme sheqeri
Cilësia e uthullës varet nga cilësia e alkoolit i cili paraqet bazën për krijimin e uthullës, ndërkaq lënda e parë themelore për prodhimin e uthullës në disa regjione mund të jetë ajo e cila ekziston me bollëk, transmeton Telegrafi.
Po ju zbulojmë llojet e uthullës dhe në cilat raste përdoren:
Uthulla... ... nga mjedra
Kjo uthull pemësh ka aromë të jashtëzakonshme dhe shije të butë të thartë. Është e përshtatshme për ushqime të ftohta, sallatë nga mishi i shpezëve dhe panxhari i kuq.
...mushti i mollëve
Shija e butë e hidhët e kësaj uthulle shumë të shëndetshme do të jetë më aromatike nëse edhe mollët janë më të shijshme. Është e mirë me karota, selino dhe sallatë të gjelbër. Përdoret edhe për dobësim dhe eliminim të kolesterinës.
... me erëza bimësh
Ky lloj i uthullës aromatike bazohet në uthullën e verës së bardhë: me shtesë rigoni dhe borziloku përdoret për domate, speca, kungullesha dhe sallatë të gjelbër, ndërkaq varianti me majdanoz apo me kopër qitet në sallata të ndryshme.
Një ndër më të njohurat për shkak të thartirës së mirë e cila përmban notë të ëmbël. Në ushqime të ftohta përdoret për sallatë nga domatet, arugula dhe mishi i bardhë. Është e përshtatshme edhe si erëz për salca apo desertë.
... e verës
Dallohet nga uthulla e verës së bardhë dhe e verës së zezë. Uthulla e verës së zezë është e përshtatshme për sallatë të gjelbër dhe mish viçi të marinuar apo për mish shtazësh të egra. Uthulla nga vera e bardhë është më e butë dhe përdoret për mish peshku dhe shpargull.
... nga shtogu
Uthulla e pemëve apo ajo e verës së bardhë aromatizohet me lule shtogu dhe përdoret në sallata të gjelbra, sallata me mish peshku apo në sallata nga frutat e malit. /Telegrafi/
