Mësohet vendi ku do të mbahet Majori i parë i Counter-Strike 2 

Organizatori PGL ka zbuluar se do të organizojë Majorin e parë në versionin e ri të lojës të shpallur së fundmi, Counter-Strike 2.

Turneu do të zhvillohet nga data 17-31 mars 2024, në kryeqytetin e Danimarkës, Kopenhagë, në sallën Royal Arena.

Turneu i Kopenhagës do të jetë i pari Major që do të zhvillohet pas BLAST.tv Paris Major, i cili do të zhvillohet më 8-21 maj, pas njoftimit të Valve ku zbuloi se nuk do të ketë Major të dytë këtë vit.

🏆 PGL CS2 Major Copenhagen 2024 – The first ever Counter-Strike 2 Major will take place next year in Denmark 🇩🇰

📅 March 17-31
🏟️ Royal Arena

🗞️ Read more about it: https://t.co/heCmvGOOFx#PGLMAJOR pic.twitter.com/uAsEWh4FIE

— PGL (@pglesports) March 28, 2023

PGL Counter-Strike 2 Major Copenhagen 2024 do të jetë Majori i katërt në përgjithësi dhe i treti që nga viti 2021 i organizuar nga kompania rumune PGL dhe do të jetë i pari Major i Counter-Strike i organizuar në Danimarkë.

“Një nga lojërat më të mëdha të të gjitha kohërave po marshon në një kapitull tjetër dhe ne nuk mund të jemi më të lumtur të presim ndoshta Majorin më të rëndësishëm të ekskluzivitetit në vitet e fundit”, tha shefi ekzekutiv i PGL, Stroie në një deklaratë për shtyp. /Telegrafi/