Sulmuesi i Juventusit, Gonzalo Higuain, shënoi dy herë kundër ish-skuadrës së tij Napoli, ndërsa bëri me gisht nga tribunat ku ishte Aurelio De Laurentiis.
Ai pas golit të dytë bërtiti duke bërë me gisht: “Është faji yt”.
Sulmuesi nuk është pritur mirë në dy takimet brenda katër ditësh, ku tifozët në San Paolo e pritën me fyerje dhe zhurma.
Ai tregoi se është sulmuesi i madh në këtë takim me një dygolësh duke e dërguar Juven në finale.
Goli i parë dhe gishti drejt Laurentiis
Sulmuesi e ka bërë këtë gjest pasi president i Napolit, De Laurentiis, gjithmonë ulet përballë sektorit të tifozëve dhe kërkon nga ta të ketë zhurmë, ndërsa para ndeshjes Pipita shkoi te ta dhe u tregoi kush është fajtori.
Sulmeusi kishte thënë më parë se kishte lënë Napolin, pasi që klubi nuk ka ambicie.
Goli i dytë i Higuain
Më Laurentiisin është tallur edhe vëllai i Gonzalos, Nicolas.
“Sa shumë gëzohem sa herë ta shohë fytyrën kur vëllai im shënon”, ka shkruar vëllai i Gonzalos. /Telegrafi/
