Mesiq: Mos-hapja e negociatave me Maqedoninë e Veriut ishte vendim i keq i BE-së

Ish-Presidenti kroat Stipe Mesiq beson se mos-hapja e negociatave të pranimit për Maqedoninë e Veriut dhe Shqipërinë në Bashkimin Evropian ishte vendim i keq i Brukselit, i cili është i dëmshëm për të gjithë rajonin dhe vetë BE-në, informon AIM nga Prishtina.

Mesiq në një intervistë për “Kosavapress” thotë se bashkimi i Evropës Juglindore në BE do t’i mundësojë BE-së të bëhet një lojtar serioz në botë.

“Unë mendoj se ky është një vendim i keq i BE-së, sepse vetëm një Evropë e bashkuar mund të jetë një faktor serioz në botë. Dhe që Evropa të jetë një faktor i tillë në botë, Evropa Juglindore duhet të anëtarësohet në BE sa më shpejt që të jetë e mundur”, tha Mesiq.

Duke folur për marrëdhëniet midis Kosovës dhe Serbisë dhe përpjekjet për të gjetur një zgjidhje të mosmarrëveshjeve midis dy vendeve, ish-presidenti kroat kundërshtoi idetë për ndryshime kufijsh.

“Unë gjithmonë kam qenë kundër ndryshimit të kufijve. Ne duhet të hapim kufij dhe të bashkëpunojmë, jo të shkëmbejmë territore”, tha Mesiq./Telegrafi/