Meshkuj, a keni problem me rënien e flokëve? Qepa është miku më i mirë në këtë betejë!

Njëjtë sikur xhenxhefili, është plotësisht e sigurt ta përdorni edhe qepën për parandalimin dhe rritjen e flokëve, pasi që ndihmon në këto procese duke mos shkaktuar ndonjë efekt anësor apo alergji

Vlen të ceket se trajtimi me qepë nuk e sjell të njëjtin rezultat si trajtimet tjera të kushtueshme përmes ndërhyrjeve të ndryshme.

Qepët janë të pasura me sulfur, dhe lëngjet e bëra nga qepët nëse aplikohen në skalp apo kombinohen me ilaçe tjera kundër rënies së flokëve e përmirësojnë qarkullimin e gjakut tek skalpi.

Veç kësaj, sulfuri ndihmon në prodhimin e indeve kolagjene që janë të domosdoshme për rritjen e flokëve, transmeton Telegrafi.

Pra, duke e pasur parasysh që flokët rriten nga gjëndrat e flokëve në skalp, rritja e furnizimit të gjakut në skalp i sjell vlera ushqyese më të mira gjëndrave dhe promovon rritjen e flokëve.

Veç kësaj, sulfuri i cili gjendet në lëngun e qepëve ka veti anti-bakteriale që parandalojnë rritjen e kërpudhave dhe baktereve në skalp, gjë që e zvogëlon mundësinë e rënies së flokëve për shkak të atyre infeksioneve.

Lexo po ashtu A mundet që konsumimi i tepërt i ëmbëlsirave dhe i lëngjeve të rrisë rënien e flokëve te meshkujt?

Lëngu i qepëve ndihmon edhe në rritjen e forcës të flokëve dhe parandalon hollësimin e tyre.

Këshillë: Për çdo shqetësim shëndetësor që keni, sigurohuni që të konsultoheni me mjekun tuaj. /Telegrafi/