Mesatarisht një femër mendon 17 herë brenda vitit ta lë punën

Vendimi për ta lënë punën është një vendim shumë i madh, e posaçërisht kur jeni duke konsideruar ta filloni një profesion krejtësisht të ri.

Sidoqoftë, hulumtimet e reja zbulojnë se mesatarisht femrat e konsiderojnë pothuajse 20 herë brenda vitit lënien e punës, transmeton Telegrafi.

Studimi, i cili është kryer nga ‘OnePoll’ në shtator të këtij viti, ka analizuar shumë aspekte të ndryshme të jetëve profesionale të grave.

Ndonëse një femër mund të mendojë deri në 17 herë brenda vitit ta lë punën, faktikisht vetëm një numër i vogël i tyre marrin guximin për ta ndërruar karrierën.

Sipas studimit, 34% e grave britanike kanë vendosur të trajtohen për një karrierë krejtësisht të re në të kaluarën, ndërkaq për momentin një në pesë gra e mendojnë të njëjtën gjë.

Ekspertët thonë se karriera që e zgjedhim ka shumë ndikim në jetën tonë, prandaj është e rëndësishme ta zgjedhim karrierën e duhur.

Pavarësisht çfarë mund të thonë njerëzit, ju gjithmonë mund ta ndryshoni karrierën në jetën tuaj. /Telegrafi/