Menjëherë pas fitores me Ortiz, Andy Ruiz i shpalli luftë Wilderit

Andy Ruiz Jr dëshiron të përballet me Deontay Wilder në një përpjekje për t’u rikthyer në garën për titullin botëror në peshën e rëndë pas një fitoreje brilante ndaj Luis Ortiz.

Amerikano-meksikani e rrëzoi tre herë ish-sfiduesin e titullit botëror në rrugën drejt një fitoreje vendimtare më pak se të rehatshme në luftën e tij të parë që nga maji i vitit të kaluar. Pavarësisht se e vuri kundërshtarin e tij në dysheme në tre raste, Ruiz e bëri më të vështirë se ç’duhej ndonjëherë dhe mori fitore me vendim unanim me rezultat 113-112, 113-112 dhe 114-111.

Pas luftës, Ruiz kërkoi një hap të madh, duke i shpall luftë Wilderit, i cili përballet me Robert Helenius muajin e ardhshëm në Nju Jork.

Lexo po ashtu Shumat e majme që fituan Andy Ruiz dhe Luis Ortiz nga super meçi që triumfues doli "The Destroyer"

“Dua të vazhdoj të jem aktiv”, deklaroi Ruiz pas luftës. “Nuk dua të pres kaq gjatë derisa të luftoj, dua të luftoj të paktën tre ose katër herë në vit, jam gati, jam i uritur dhe dua të jem përsëri kampion dhe ta kthej atë brez në Meksikë”.

Duke folur për Wilder, i cili e takoi atë me një shtrëngim duarsh në ring pas fitores së tij, Ruiz shtoi: “Dëshiroj që ai të fitojë në tetor. Ne jemi në të njëjtën organizatë. Dua të falënderoj Al Haymon. Ne mund ta bëjmë këtë luftë të ndodhë dhe le ta bëjmë, le ta vazhdojmë”.

Wilder përballet me një provë të ashpër të tijin më 15 tetor në Barclays Center në Brooklyn, kur ai përballet me Helenius, finlandezin gjigant që mundi Adam Kownacki dy herë në dy meçet e tij të fundit. Megjithatë, nëse ai do ta kalojë atë provë, takimi i tij me Ruizin mund të jetë një luftë e madhe në Amerikë me implikime të vërteta për titullin e peshave të rënda. /Telegrafi/