Memli Krasniqi iu rikthehet kriptovalutave – jep edhe rekomandimet e tij

Deputeti i Partisë Demokratike të Kosovës, Memli Krasniqi, përveçse aktiv në jetën politike, duket se me të njëjtin entuziazëm e ka edhe çështjen e kriptovalutave.

Madje një aktivitet në këtë “biznes” ai ka treguar edhe ditëve të fundit.

Kjo mund të vërehet në disa postime të fundit të tij në Twitter, ku ai shkruan për “rritjet dhe rëniet” e vlerës së tyre.

If there are two #crypto traders that I recommend for you to follow, they are @SatoshiFlipper and @IncomeSharks. They don’t follow the crowds, stick to their TA and their calls have been more profitable then most in the CT! Plus they’re bullish, which is a plus! 🙂

— Memli Krasniqi (@MemliKrasniqi) April 2, 2020

Dhe së fundmi, përmes një postimi në Twitter, ai ka dalë edhe me rekomandime për ata që duan të merren me këtë “biznes”.

“Nëse ka dy tregtarë të kriptovalutave që unë rekomandoj që ju të ndiqni, ata janë Satoshi Flipper dhe Income Sharks. Ata nuk i ndjekin turmat, i përmbahen analizave tregtare dhe propozimet e tyre kanë qenë më fitimprurëse sesa shumica në tregun e kriptovalutave! Plus ata karakterizohen me rritje të aksioneve, e cila është një plus!”, ka shkruar Krasniqi në postimin e tij të fundit në Twitter.

Se deputeti Krasniqi nuk është “i ri në këtë biznes” është dëshmuar edhe më herët.

Në një shkrim të vitit 2019 thuhej se në deklarimin vjetor në Agjencinë Kundër Korrupsionit (AKK), ai ka thënë se ka mbi 50 mijë euro në vlerë të kriptovalutave.

Madje, sipas raportit, ai kishte treguar se ka investuar në 27 lloje të këtyre valutave dixhitale. /Telegrafi/