Memedi kërkon nga Plomp që të vazhdohet presioni ndërkombëtar ndaj qeverisë së Maqedonisë

Kryetari i RDK-së Vesel Memedi vizitoi ambasadorin e Mbretërisë së Holandës në Shkup Wouter Plomp, thuhet në komunikatën e lëshuar nga shërbimi për informim i RDK-së drejtuar Telegrafit në Maqedoni.

Memedi në këtë takim tha”pushteti i të gjitha periudhave kohore, që nga pavarsimi i vendit e deri më sot, është fajtorë për këtë krizë të thellë sepse nuk ka ndërmarrë hapa të duhura në tejkalimin e këtyre problemeve që mos të vij deri në eskalim të këtyre përmasave. Mungesa e llogaridhënies, përgjegjësisë, anarkisë, arrogancës, mungesës së debatit, dhe shumë devijime tjera të këtij pushteti vetëm se kanë këndjellur edhe më shumë situatën në përgjithësi. Korri diplomatik të vazhdojnë edhe më fuqishëm me presionin kryesisht ndaj pushtetit, që të gjith sëbashku të punojnë në rikthimin e sundimit të ligjit dhe fuqizimin e institucioneve të vendit, sepse vetëm në këtë mënyrë do të mund të shpresohet të dilet nga kjo krizë kaq e thellë, me pasoja të rënda për shoqërinë në përgjithësi.” tha Memedi.

Plomp tha ”Maqedonia gjithmonë ka patur një mik të vërtetë në shtetin holandez dhe kjo miqësi do të vazhdoj të ekzistoj edhe në të ardhmen. Të gjithë forcat progresive në vend duhet të angazhohen maksimalisht të kryejnë detyrën e tyre, sepse vetëm në këtë mënyrë zgjidhja do të mund të jetë e qëndrueshme.” tha mes tjerash ambasadori i Mbretërisë së Holandës në Maqedoni./Telegrafi/