Melissa Joan Hart infektohet me COVID-19 edhe pas vaksinimit

Melissa Joan Hart ka kontraktuar sërish virusin, pavarësisht se është vaksinuar.

Aktorja amerikane zbuloi diagnozën përmes një postimi të ndarë të mërkurën në Instagram.

Në video, 45-vjeçarja tha se ka të ngjarë të ketë marrë virusin nga një prej fëmijëve të saj.

View this post on Instagram

A post shared by Melissa Joan Hart (@melissajoanhart)

Ajo ndan tre djem me burrin Mark Wilkerson: Tucker McFadden, 8 vjeç, Braydon Hart, 13 vjeç dhe Mason Walter, 15.

“Unë jam e vaksinuar dhe jam infektuar me COVID -in dhe është shumë keq”, u tha ndjekësve të saj ylli i “Sabrina the Teenage Witch”.

“Po më rëndon në gjoks. Është e vështirë të marr frymë. Një nga fëmijët e mi, mendoj se e ka deri tani. Unë jam duke u lutur që fëmijët e tjerë të jenë mirë”.

Hart tha se ajo dhe familja e saj morën masa paraprake gjatë gjithë pandemisë, por ata u bënë më përtacë me lehtësimin e masave.
“Unë me të vërtetë shpresoj se burri im dhe të tjerët nuk do ta marrin atë, sepse nëse dikush duhet të dërgohet në spital, unë nuk mund të shkoj me ta”, shpjegoi ajo. “Unë jam thjesht e frikësuar, e trishtuar dhe e zhgënjyer në veten time dhe në disa nga udhëheqësit tanë.
Unë vetëm do të doja të kisha bërë më mirë, kështu që ju kërkoj nga ju që të bëni më mirë. Mbroni familjet tuaja. Mbroni fëmijët tuaj”.

“Nuk ka mbaruar ende”, theksoi ajo për pandeminë. “Shpresoja se ishte, por nuk është, kështu që qëndroni vigjilentë dhe qëndroni të sigurt”.

Vaksinat kundër COVID-19 janë efektive në parandalimin e sëmundjeve të rënda dhe vdekjeve nga virusi, por ka raste kur njerëzit infektohen edhe pas marrjes së tyre. /Telegrafi/