Mediumi italian: Një serb dëshiron të luajë në Përfaqësuesen e Kosovës, por Beogradi nuk e dëshiron këtë

Gjithnjë e më shumë, në vitet e fundit, tifozët e klubeve të futbollit në të gjithë Evropën janë bërë protagonistë të episodeve raciste kundër futbollistëve.

Zyrtarisht, Federatat nacionale mbështesin fushatat kundër racizmit, kampanja të mbështetura nga UEFA dhe FIFA, shkruan mediumi italian “EastJournal’.

Ajo që ndodhi në Kosovë ditë më parë, nuk ka megjithatë asnjë lidhje me tifozët, por ka të bëjë direkt me situatën politike në vend dhe me raportet e tensionuara me Serbinë.

Lexo po ashtu Rrëfimi për djaloshin Ilija Iviç nga Graçanica, që ka vendosur të luajë për Kosovën dhe tash e tri vjet mbron ngjyrat e Flamurtarit

Rasti i Ilija Ivic

Disa javë më parë, u përhap lajmi për një ftesë të mundshme për 17-vjeçarin Ilija Ivic nga Përfaqësuesja e Kosovës U-19.

Fillimisht, lajmi u prit si një shembull i integrimit, por më pas pati edhe polemika dhe pasoja të rënda.

Ivic është banor i Kosovës dhe jeton në Graçanicë, teksa te Flamurtari i Prishtinës luan që tri vite e gjysmë.

Autoritetet serbe e kundërshtuan në masë të madhe zgjedhjen e futbollistit të talentuar serb, derisa viktimë ishin edhe prindërit e tij, ku nëna e tij u përjashtua nga një qendër arsimore, derisa babai i tij u largua si shërbyes civil në Komunën e Graçanicës, përcjell Zëri.info.

Lexo po ashtu Tha se do të luante për Kosovën, serbët ia përjashtojnë nga puna prindërit futbollistit Ilija Ivic

Reagimet

Presioni dhe largimet nga puna u kritikuan ashpër nga Federata e Futbollit të Kosovës, e cila tha se ishte tronditur nga veprimet e marra nga drejtuesit e sistemit paralel serb, të cilët synojnë të ngjallin frikë te qytetarët.

Kryeministri i ri i vendit, Albin Kurti përmes rrjetit social ‘Twitter’ ka kërkuar që Ivic të lihet i lirë të luajë kudo që ai dëshiron.

Mbështetja për djaloshin në fjalë erdhi edhe nga Ambasadat e Gjermanisë, Italisë dhe SHBA-ve.

Përtej futbollit, kontrolli i Beogradit mbi serbët e Kosovës.

Historia e Ilija Ivic tregon se si 12 vite pas shpalljes së pavarësisë së Kosovës, Beogradi ende ushtron një kontroll të madh në disa zona të vendit.

Te dhjetë komunat me shumicë serbe – katër në veri dhe gjashtë në jub – udhëhiqen nga Lista Serbe, një parti e udhëhequr direkt nga qeveria serbe dhe presidenti serb, Aleksandar Vucic.