Mediat ruse tregojnë se ku ndodhet trupi i Alexei Navalny, thonë se është plot mavijosje

Novaya Gazeta Evropa mësoi se trupi i Alexei Navalny ndodhet në morgun e spitalit të Qarkut Salehard. Deri të shtunën, ende nuk ishte kryer autopsi, thanë burimet.

Pas vdekjes së ‘papritur’ të Navalny të premten, trupi i tij u dërgua fillimisht në qytetin e Labitnangi, 36 kilometra nga nga vendi ku ai vdiq në fshatin Harp në Yamalo-Nenets në veri të Rusisë.

Megjithatë, burimet thanë se trupi u transferua në spitalin e  qarkut në Salehard më vonë të premten, transmeton Telegrafi.

“Zakonisht trupat e personave që vdesin në burg dërgohen direkt në Institutin e Mjekësisë Ligjore në rrugën Gllazkova, por në këtë rast për disa arsye është dërguar në spitalin klinik”, ka thënë një ndihmës-mjek në Salehard.

“E çuan në morg dhe më pas vendosën dy policë para derës. Ata gjithashtu mund të vendosnin një tabelë me mbishkrimin ‘diçka misterioze po ndodh këtu!’ Natyrisht, të gjithë donin të dinin se çfarë ndodhi, çfarë fshehtësie ishte dhe nëse po përpiqeshin të fshihnin diçka serioze”, shtoi ai.

“Doli se trupi i Alexei Navalny ishte dorëzuar dhe se vdekja e tij “nuk ishte e një natyre kriminale”, një term i përdorur për të treguar se nuk ishte një armë zjarri. Më pas doli fjala se patologëve të spitalit u ndalohej të kryenin autopsi”, shtoi burimi.

“Si njeri me përvojë, mund të them se lëndimet e përshkruara nga ata që i panë dukeshin si rezultat i konvulsioneve. Nëse një person po konvullon dhe të tjerët përpiqen ta frenojnë, por konvulsionet janë shumë të forta, atëherë shfaqen mavijosje. Ata thanë gjithashtu se ai kishte një mavijosje në gjoks – një që vjen nga një masazh indirekt i zemrës”, tha për fund ai. /Telegrafi/