Mediat e huaja kanë pikëpamje të ndryshme mbi referendumin në Maqedoni

Mediat e huaja kanë pikëpamje të ndryshme mbi referendumin e mbajtur dje në Maqedoni, përcjell Telegrafi Maqedoni.

Për disa kjo është një fiasko, ndërsa për disa tjerë fitore.

Gazeta e fqinjit tanë “Kurir” i përcjell deklaratat e kryeministrit tanë Zoran Zaev, rezultatet, por edhe mesazhin e SHBA-ve.

“Ditë fiasko për Maqedoninë: Çka tani?” shkruan “B92”.

“Mbi 90 për qind e qytetarëve të Maqedonisë të cilët dolën në referendum për ndryshimin e emrit”, shkruan “Slloboden Dalmacia”.

“Mbi 90 për qind janë për Maqedoninë Veriore, tani në radhë janë deputetët”, shkruan televizioni bullgar “Nova Tv”.

“Gardian” shkruan se Maqedonia është në prag të një krize të re politike pas pa pritshmërisë së daljes së ulët në referendum.

“Washington Post” shkruan se referendumi tregoi se shumica e qytetarëve janë për ndryshimin e emrit edhe pse, thekson se, ka pasur dalje të ulët të votuesve.

“Telegraf” shkruan se në referendum ka rezultat fitues në lidhje me ndryshimin e emrit dhe anëtarësimit në BE dhe NATO, por dalja e ulët mund ta pengojë procesin./Telegrafi/