Mediat bullgare: Bullgarët e Maqedonisë arritën të mposhtin rezolutën pro Shkupit në SHBA

Bullgarët e Maqedonisë në Shtetet e Bashkuara të Amerikës dhe në mbarë botën mirëpritën refuzimin e Rezolutës 741 të Dhomës së Përfaqësuesve dhe Rezolutës 758 të Senatit, e cila duhej të kishte caktuar muajin shtator 2022 si “Muaji i Trashëgimisë Maqedono-Amerikane”, njofton agjencia bullgare “BGNES”.

Të gjithë maqedonasit në mbarë botën, pavarësisht nëse janë bullgarë etnikë, grekë, turq, shqiptarë apo vlleh nga rajoni i Maqedonisë, e mirëpritën refuzimin, shtojnë nga agjencia.

“Dokumentet, të cilat mbetën përgjithmonë si projekt-rezolutë, bazoheshin në falsifikime dhe manipulime dhe synoheshin të përdoreshin nga Kongresi Amerikan si mjet për të rishkruar historinë dhe për të legjitimuar pretendimin se etnia dhe gjuha “maqedonase” ekzistonte para vitit 1944″ thonë bullgarët nga Maqedonia në SHBA, shkruan BGNES.

Siç shkruan BGNES, nxitësi i vërtetë i rezolutave – Organizata Diaspora e Bashkuar Maqedonase (ODBM) – veproi si një organizatë e huaj e inteligjencës e financuar dhe e drejtuar nga jashtë për të ndikuar në opinionin publik dhe institucionet e Shteteve të Bashkuara./Telegrafi/