Mbyllet ndeshja dramatike: Roma fiton me shumë mund ndaj Cagliarit

Roma ka marrë një fitore të vështirë në udhëtim te Cagliari me rezultat 4-3 në javën e 26-të në Serie A.

Të parët ishin vendasit që kaluan në epërsi me anë të Joao Pedros që shënoi në minutën e 28-të me një asistim të Olivas.

Por, Giallorossët u këndellën shpejtë dhe i barazuan shifrat me golin e realizuar nga Nikola Kalinic (29’).

Sulmuesi kroat më pas e përmbysi rezultatin në minutën e 41-të, derisa pranoi një asistim perfekt nga Henrikh Mkhitaryan.

Pjesa e dytë filloi më mirë për Romën, që arriti të realizonte edhe golin e tretë me anë të Justin Kluivert (64’), gjersa Kalinic ishte në rolin e asistuesit.

Mirëpo, Cagliari nuk u ndal me kaq dhe arriti të ngushtonte epërsinë e mysafirëve me golin e shënuar nga Gaston Pereiro (75’), që u asistua nga Radja Nainggolan.

Romakët po ashtu nuk u dorëzuan dhe arritën të thellonin sërish rezultatin në 4-2 ,e golin e realizuar nga Mkhitaryan (81’).

Cagliari në minutën e 89-të fitoi një penallti të cilën fillimisht dështoi ta shënonte Joa Pedro, por nga topi i kthyer shënoi me kokë.

Pas javës së 26-të, Roma vazhdon të jetë në vendin e pestë me 45 pikë, ndërsa në xhiron e 27-të do të kenë punë me Sampdorian. /Telegrafi/

https://www.youtube.com/watch?v=4ZwYuU1-hSQ&ab_channel=%D8%A7%D9%81%D9%84%D8%A7%D9%85%D9%85%D8%BA%D8%B1%D8%A8%D9%8A%D8%A9%D8%AD%D8%B5%D8%B1%D9%8A%D8%A9