Mbyllet dita e 11-të në Lojërat Olimpike: SHBA-të zhvendosen në vendin e dytë

Ka përfunduar dita e 11-të në Lojërat Olimpike që po mbahen në Paris, derisa u thyen disa rekorde olimpike dhe botërore.

Të hënë e 5 gushtit nuk mungoi spektakli, ndërsa jemi në ditët e fundit të garave, pasi përfundojnë të dielën e kësaj jave.

Padyshim se kishte garues nga më të ndryshmit në shumë disiplina, duke sjell kështu edhe ndryshimin në renditjen e medaljeve.

Lexo po ashtu Graviteti? Nuk ka dëgjuar kurrë për të - Armand Duplantis sapo ka bërë diçka 'mbinjerëzore'

Shtetet e Bashkuara të Amerikës e kanë lëshuar kreun, pasi sot fituan vetëm një medalje të artë, ndërsa në total kanë shkuar kanë shkuar në 78 sosh: 20 të arta, 30 të argjendta dhe 28 të bronzta.

Amerikanët u zhvendosën nga Kinën në vendin e dytë, pasi këta të fundit fituan dy medalje të arta në ditën e 11-të, që në total kanë 53: 21 të arta, 18 të argjendta dhe 14 të bronzta.

Lexo po ashtu Notarja olimpike largohet nga fshati Olimpik i Parisit për shkak të krijimit të 'ambientit të papërshtatshëm'

Top treshen e ka rrëmbyer Australia, që lëshoi në vendin e katërt nikoqiren Francën, pasi shtuan një medalje të artë në këtë ditë: 13 të arta, 11 të argjendta dhe 8 të bronzta.

Më poshtë mund të shikoni listën e plotë të top 10-shes për medaljet e fituara nga 10 ditët e Lojërave Olimpike. /Telegrafi/