Mbretëresha mesazh politikanëve për Brexit: Jepuni fund grindjeve

Mbretëresha Elizabetë ll, e Britanisë së Madhe, i ka dërguar një mesazh të koduar klasës politike rreth Brexit, duke u bërë thirrje ligjvënësve të gjejnë një zgjidhje të përbashkët për t’i dhënë fund krizës.

Sipas mediave, 29 marsi është data e fundit për Britaninë që të largohet nga Bashkimi Evropian.

Mbretëria e Bashkuar është në krizën më të thellë politike në gjysmë shekulli, ndërsa ballafaqohet me mënyrën se si, apo edhe nëse do të dalë nga projekti evropian të cilit iu bashkua në vitin 1973.

Ndonëse mbretëresha Elizabetë, nuk e përmendi direkt Brexit-in, në një fjalim vjetor në Institutin e saj të Grave në Norfolk, tha se çdo brez përballet me “sfida dhe mundësi të reja”.

“Ndërsa kërkojmë përgjigje të reja në epokën moderne, unë preferoj që të jetë një nga recetat e testuara, pra duke folur mirë për njëri-tjetrin dhe duke respektuar pikëpamjet e ndryshme në kërkim të terrenit të përbashkët; dhe duke mos e larguar asnjëherë vëmendjen nga çështja kryesore”, “tha mbretëresha. /kp/Telegrafi/