Mblidhen katër komisione parlamentare

Gjatë ditës së martë do të mblidhen katër komisione parlamentare.

Dy komisionet e para nisin në ora 10:00 dhe dy tjera nga ora 11:00.

Më poshtë mund të gjeni se cilat komisione do të mblidhen dhe çfarë do të shqyrtojnë:

Komisioni për Administratë Publike, Pushtet Lokal, Media dhe Zhvillim Rajonal shqyrton në parim Projektligjin për ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive të ekzekutive. (Kuvendi i Kosovës, salla N-303, ora 10:00);

Komisioni për Punë të Jashtme dhe Diasporë shqyrton Projektligjin për zbatimin e sanksioneve financiare ndërkombëtare të shënjestruara. (Kuvendi i Kosovës, salla N-204, ora 10:00);

Komisioni për Ekonomi, Industri, Ndërmarrësi dhe Tregti shqyrton raportin vjetor për performancën e ndërmarrjeve publike qendrore për vitin 2020. (Kuvendi i Kosovës, salla N-302, ora 11:00);

Komisioni për Mbikëqyrjen e Financave Publike shqyrton raportin e auditimit për pasqyrat financiare të Ministrisë së Shëndetësisë për 2021. I ftuar: ministri i Shëndetësisë Rifat Latifi. Shqyrtimi i raportit të auditimit për pasqyrat financiare të Shërbimit Spitalor dhe Klinik Universitar i Kosovës, për 2021. I ftuar: drejtori i SHSKUK-së, Valbon Krasniqi. (Kuvendi i Kosovës, salla N-10, ora 11:00).