Mbjellën fidane në hapësirat publike në Mitrovicën Veriore

Sot janë mbjellur fidane në hapësirat publike në Mitrovicën Veriore, për nder të Ditës së Tokës.

Drejtoria për Kulturë, Rini dhe Sport në Komunën e Mitrovicës Veriore e ka bërë këtë aktivitet, shkruan Telegrafi.

“Me një aksion simbolik Komuna e Mitrovicës Veriore, përkatësisht Drejtoria për Kulturë, Rini dhe Sport, ka organizuar mbjelljen e fidaneve në hapësirat publike”, thuhet në njoftim.

Bëhet e ditur se ky aktivitet synon ndërgjegjësimin për rëndësinë e ruajtjes së mjedisit dhe promovimin e një qyteti më të gjelbër për të gjithë qytetarët.

“Ta ruajmë tokën – së bashku për një të ardhme më të pastër!”, thuhet tutje në njoftim. /Telegrafi/