Kylian Mbappe ka vrapuar drejt një tifozi francez, pasi e kishte goditur aksidentalisht me top para ndeshjes gjysmëfinale kundër Marokut.
Anësori i Les Bleus ishte duke i testuar goditjet e tij gjatë nxehjes për sfidën në Al Bayt Stadium që vendos finalistin.
Mirëpo, në njërën prej tentativave, ylli i Paris Saint-Germainit e dërgoi topin në tribuna duke e goditur në fytyrë një tifoz.
Tifozi i pafat u trullos keq nga goditja e fuqishme dhe e kapi hundën për të parë nëse ajo ishte gjakosur. Por, për fat të tij, gjuajtja nuk i nxori gjak.
Reagimi i Mbappe ishte i menjëhershëm. 24-vjeçari shkoi për ta ndihmuar tifozin e trullosur duke ia kapur krahun dhe i kërkoi falje. /Telegrafi/
