Mbante mbesën 18-muajshe afër dritares, nga pakujdesia i rrëshqiti gjyshit nga dora dhe ra nga kati i 11-të i anijes – publikohen pamjet rrëqethëse

Salvatore Anelot i kishte rrëshqitur nga duart mbesa 18-muajshe e cila kishte rënë nga dritarja e anijes gjigante, me ç’rast ka mbetur e vdekur në vend – kurse tani janë publikuar momentet rrëqethëse.

Kujtojmë që kjo ngjarje e tmerrshme ka ndodhur në një anije më 7 korrik në San Huan të Porto Rikos, derisa anija po qëndronte pranë portit, transmeton Telegrafi.

Según éste video que presentó La Comay, al parecer Salvatore  Anello sí dejó caer a su nieta desde la ventana de un crucero en San Juan y nada tuvo que ver su alegada condición de daltonismo.🤦‍♂️ pic.twitter.com/7AzlDgnlnv

— Y. (@YomarElMaja) December 18, 2019

Anelo po luante me vogëlushen Khloe pranë dritares së katit të 11-të, kur ajo për një moment i rrëshqiti nga duart dhe ra për vdekje nga dritarja.

Në ato momente ai po mbante mbesën me njërën dorë e tjetrën e kishte vendosur në dritare, por ky veprim i kushtoi me jetë mbesës së tij.

“Nuk e dija se nuk ka dritare, derisa u bë tepër vonë. Kur ajo ra mendova se u rrëzua para këmbëve të mia. E gjitha ndodhi brenda një sekonde”, ka shtuar ai.

Ky gjysh po akuzohet për vrasje nga pakujdesia, e siç raportojnë mediat gjykatësit i kanë ofruar marrëveshje për pranim të fajësisë, me qëllim që ta kursejnë nga burgimi nëse pranon. /Telegrafi/