MASH do të ndajë mbi 2800 bursa për studentët në Maqedoni

Ministria e Arsimit dhe Shkencës (MASH) për vitin akademik 2017/2018 do të ndajë gjithsej 2.890 bursa për studentët e rregullt të regjistruar në studimet universitare nga cikli i parë i universiteteve publike dhe private dhe institucionet për arsim të lartë.

Sipas konkursit, të cilin MASH e publikoi sot do të ndahen 1.500 bursa për studentë nga kategoritë sociale, si dhe 630 bursa (590 bursa për studentët e regjistruar në studimet universitare nga cikli i parë në universitetet publike dhe institucionet e arsimit të lartë dhe 40 bursa për studentë të regjistruar në studimet universitare, nga cikli i parë në universitetet private dhe institucionet për arsim të lartë), për studentët të cilët kanë arritur sukses jashtëzakonisht të lartë në mësim, përcjell Telegrafi Maqedoni.

Për studentët e regjistruar në fakultetet teknike dhe shkencat mjekësore të cilët kanë arritur sukses mesatar nga viti i parë studimor nga regjistrimi vijues prej të paktën 8,50, ndërsa për studentët e fakulteteve nga artet shoqërore dhe në fakultetet nga artet të kenë të arritur të paktën 9,00 sukses mesatar nga viti i parë deri në vitin vijues i regjistruar studimor.

Studentët të cilët paraqiten në konkurs duhet të plotësojnë fletëparaqitje elektronike të vendosur në faqen http://konkursi.mon.gov.mk, duke filluar prej sot (10 nëntor) deri më 20 nëntor të këtij viti./Telegrafi/