Aktorja e njohur turke, Songul Oden i ka dhënë fund beqarisë.
Ajo është martuar me biznesmenin e njohur turk, Arman Biçakçi pas 3 vjet takimesh së bashku.
Çifti organizuan një ceremoni të vogël martese në shtëpinë e familjes së dhëndrit me 20 anëtarë dhe miq të afërt të familjes së tyre, dhe kanë vendosur të zhvillojnë një dasmë tjetër të madhe pasi kriza e coronavirusit të ketë përfunduar.
Songul Oden në një nga intervistat e fundit në mediumet turke, kishte zbuluar se nuk beson në martesë, duke theksuar se është një dështim.
Ajo gjithashtu u kërkoi të dashuruarve të mos martohen sepse kjo do të prishë dashurinë e tyre.
“Ne duhet të pranojmë që numrat e rasteve të divorcit janë të tmerrshme dhe i tejkalojnë rastet e qëndrueshme të martesës të çifteve që mbijetojnë”, tha ajo në atë kohë.
Songul Oden është e njohur në trevat shqiptare për rolin e Gymyshit, që ka qenë një ndër serialet turke më të ndjekura në vend.
Ajo e vizitoi për herë të parë Shqipërinë në vitin 2011, kur u ftua të jetë prezantuese e festivalit “Kënga Magjike”, dhe mësoi disa fjalë shqip gjatë prezantimit të festivalit krahas Ardit Gjebreas. /Telegrafi/
