Marrja e ilaçit tuaj me këtë pije popullore mund ta bëjë atë më pak efektiv

Ndërsa grejpfruti nuk është aq i preferuar, ka shumë njerëz që e shijojnë ëmbëlsinë e tij, veçanërisht në formë lëngu.

Prej kohësh është shpallur se është i mbushur me antioksidantë për të forcuar sistemin tuaj imunitar. Por nëse jeni një fans, kini kujdes duke e marrë atë me ilaçe: Mund t’i bëjë më pak efektiv!

Pse grejpfruti ndikon në mjekimin?

Marrja e ilaçeve në mëngjes me një gotë ujë ose lëng është një mënyrë e thjeshtë për të marrë dozën tuaj ditore. Por lëngu i grejpfrutit nuk është zgjidhja më e mirë, pasi mund të ndërhyjë me mjekimet tuaja. Si? “Lëngu lejon që më shumë ilaçi të hyjë në gjak”, shpjegon në një deklaratë Shiew Mei Huang, PhD, nga FDA . “Kur ka shumë ilaçe në gjak, mund të keni më shumë efekte anësore”.

Medikamentet janë në gjendje të metabolizohen falë një enzime kryesore të quajtur CYP3A4. Por konsumimi i lëngut të grejpfrutit së bashku me ilaçin mund të bllokojë këtë enzimë . Kjo bën që ilaçi të qëndrojë në trupin tuaj më gjatë në vend që të metabolizohet në kohën e duhur, gjë që mund të çojë në probleme serioze shëndetësore.

Për shembull, nëse jeni duke marrë ilaçe për të ulur nivelet e kolesterolit, marrja e tij me këtë lëng shpesh mund të shkaktojë dëmtime në muskujt dhe mëlçinë tuaj. Si rezultat, kjo rrit rrezikun e dështimit të veshkave me kalimin e kohës. /Teleggrafi/