Marrëveshja me Prishtinën brenda një minute me një telefonatë – Behar Maliqi zbulon se si vendosi të kthehej te klubi i madh

I ftuari i radhës në një podcast të Telegrafit ka qenë ish-reprezentuesi i Kosovës dhe lojtari i shumë ekipeve të njohura, tashmë trajneri Behar Maliqi i cili ka diskutuar gjerë e gjatë për karrierën e tij të pasur dhe momentet më të mira nëpër të cilat ka kaluar.

Maliqi për më shumë se 20 vite ka veshur fanellën e disa ekipeve të njohura si Feronikeli ’74, Prishtina, Llapi, Malisheva, Partizani, Fushë Kosova, Keku dhe KF Airoporti duke mbyllur karrierën si një prej futbollistëve më të suksesshëm në futbollin kosovar.

Megjithatë, kësaj radhe do të ndajmë me ju lexues një pjesë të podcastit, ku Maliqi flet për prapaskenat e transferimit të tij tek Prishtina.

Ai tregon ndër të tjerash për takimin që pati me zyrtarët e klubit kryeqytetas dhe se si marrëveshja u arrit brenda një minute.

“Është e vërtetë përmes telefonit trajneri Tahir (Batatina) arriti, njëherë biseduam nuk arritëm të merreshim vesh, pastaj e bëri një projekt të ri”.

“Unë isha 34 apo 35 vjet. Domethënë isha veç nga fundi i karrierës, por luajta edhe pak më shumë”.

“Më thirrë Prishtina edhe bisedoj me të klubit, një prej tyre ka qenë edhe ‘Zalika’ (Faton Zejnullahu), thuajse asnjë minutë jemi marrë vesh përmes telefonit as takim s’kemi pas”.

View this post on Instagram

A post shared by Telegrafi Sport (@telegrafisport)

“Prishtina ka qenë më ndryshe, nuk ka qenë shumë aspekt financiar edhe isha në moshë”, ka thënë Maliqi.

Më poshtë mund ta ndiqni të gjithë bashkëbisedimin e Behar Maliqit me dy gazetarët e Telegrafit, Lavdim Pireva dhe Shkumbin Pireva./Telegrafi/