Pas muajsh të spekulimeve dhe thashethemeve, NFL njoftoi se Maroon 5 do të perfomojnë gjatë pushimit mes pjesëve të finales së njohur si Super Bowl në Atlanta.
Dhe ka një bonus shtesë: Atlanta Big Boi dhe Travis Scott gjithashtu do të performojnë gjatë shfaqjes, sipas një njoftimi nga National Football League, apo siç njihet tek ne , Rugby.
"Maroon 5, Travis Scott dhe Big Boi i bashkohen një listë të çmuar të artistëve që kanë bërë spektakël", duke përfshirë Justin Timberlake, Lady Gaga, Coldplay, Katy Perry dhe Missy Elliott.
Travis Scott dhe Big Boi
Lajmet se një artist hip-hop i Atlanta po performon në Super Bowl të këtij viti vjen muaj pasi u njoftua se loja e madhe do të mbahej në Atlanta.
Pas publikimit të emrit të vendit mikpritës së lojës, këngëtari Bruno Mars kishte shkruar se kjo ishte mundësia që NFL të ftoj "artistin e pabesueshëm nga Atlanta".
Theksojmë se vitin e kaluar Philadelphia Eagles ka triumfuar kundër New England Patriots me rezultat 41:33.
Ndryshe, ndeshja e fundit e kampionatit është planifikuar të luhet më 3 shkurt në stadiumin "Mercedes-Benz". /Telegrafi/
